.

home


ميزانية بيت ب 1500 جنية لفردين

ميزانية بيت ب 1500 جنية لفردين

بسم الله الرحمن الرحبم …
هذا الموضوع تحديدا لا يجب أن نغفل فيه البسملة ، فبركة الله فى الرزق الحلال هى سر ستر ونعمة الأسر الحامدة الشاكرة ما رزقها الله ، وعليكى عزيزتى المقبلة على الزواج أن تدركى هذا السر جيدا وتحافظى على نعمة الله بالرضا والشكر و حسن التدبير …
بناء على رغبة إحدى قارائات أنتِ فريدة ، التى أرسلت لنا تقول أنها مقبلة على الزواج واتفقت مع زوجها على ان يعطيها مصروف بيت 2000 جنية شهريا وتخشى ألا تستطيع ان تدبر أمورها المادية بهذا المبلغ ، نطمئن عروستنا الجميلة ونقدم لها كشف ميزانية بيت ب 1500 جنية لفردين في الشهر .

أولا : فواتير ثابتة
220 جنيه ، كهرباء وأنترنت وغاز .

ثانيا ميزانية الأكل :

الفطار والعشا
4 كيلو لبن 21 جنية
كرتونة بيض 30 جنية
نصف كيلو جبن رومى 30 جنية
نصف كيلو جبن أبيض 25 جنية
برطمان زيتون أسود  12 جنية
برطمان مربى  8 جنية
فول ( بجنية فول أربع مرات فى الاسبوع ) 20 جنية فى الشهر
ميزانية الفطار 123 جنية

الغدا :

250 جنية فراخ

5 فرخات كل واحده 2 كيلو

أخلي الصدور و قسميها إلى 5 أكياس

كيسين  فراخ فيلية وكيسين مقطع شاورما وكيس مفروم فراخ

اخلى الأفخاذ و قسميها فى أكياس كل كيس وجبة :
2 وجبة أفخاذ كاملة
2وجبة شيش طاووق
وجبة دبابيس
ثم باقى الفراخ قسميها كالآتى :
وجبة كبد وقوانص
وجبة جوانح

أما الهياكل أسلقيها وخزنى الشوربة بتاعتها فى الفريزر و استعمليها وقت الحاجة

اللحوم :
4 كيلو لحوم متنوعة 239 جنية
2كيلو مكعبات ب قسميها على 3 وجبات 58 جنية
كيلو مفروم وقسميه على وجبتين 58 جنية
كيلو فيلية وقسميه على وجبتين 65جنية

الأسماك
5 كيلو اسماك متنوعة 240 جنية
1 كيلو جمبرى 90 جنيه (النوع  المخلى المجمد فى مجمعات الجيش ب 35 جنيه للعبوة نصف كيلو )
1 كيلو بوري 30 جنية
2 كيلو بلطى 50 جنية
1 كيلو سبيط  40 جنية
قسمى الأسماك والجمبرى والسبيط على 8 وجبات ،بواقع وجبتين فى الأسبوع

 الخضار
200 فى الشهر بواقع 50 جنية كل اسبوع

الفاكهة
100 جنية فى الشهر  بواقع 25 جنيه كل اسبوع

السلع التموينية :
4 كيلو أرز 16 جنية

6 أكياس مكرونه أنواع مختلفة (شعرية ، لسان عصفور ، اسباجتى … الخ )  25 جنية

كيلو دقيق 8 جنيه

كيلو سمن 45 جنية

3 لتر زيت ذرة 48 جنية

2 لتر زيت نباتى للقلى 22 جنية

2 كيلو سكر  10 جنية

ربع كيلو شاي  12 جنية
ملح وتوابل 15

ربع كيلو بقسماط ناعم 5 جنية
نصف كيلو عدس اصفر ونصف عدس بجبه 10 جنية
نصف كيلو لوبيا 8 جنية
نصف كيلو فاصوليا بيضا 7 جنية

زجاجة خل 3 جنية

فانيليا وبيكنج باودر وخميره 5 جنية
ميزانية السلع التمونية 209

المنظفات

3 كيلو اريال 64 جنية

لتر داونى 15 جنية
4 قطع صابون 16 جنية
شامبو شعر 16 جنية

3 زجاجة بريل 25 جنية

3 اسفنج عادي و1 سلك خشن 10

ميزانية المنظفات 122 جنية

مجموع الميزانية 1502جنية وباقى المبلغ وفرى منه 300 جنية للطوارئ ، واصرفى باقى المبلغ أما فى الخروج والفسح او كمصروف يد لك ( بالأتفاق مع زوجك ) او لشراء ما ينقص بيتك الجديد ولم تستطيع شرائه أثناء فترة التجهيز وبارك الله لكما فيما رزقكما ان شاء الله

وبذلك نكون قدمنا ميزانية بيت ب 1500 جنية لفردين في الشهر نتمني ان تكوني استفدتي منها ولمعرفة ميزانية عزومة ل 8 افراد متوسطة التكاليف اضغطي الرابط .




التعليق عبر الفيس بوك
الكلمات الدليلية :

لا توجد تعليقات

اكتب تعليق